2025-ci ilin fevral ayında “Qala Sığorta” Açıq Səhmdar Cəmiyyətinin maliyyə göstəriciləri diqqətçəkən dəyişikliklər nümayiş etdirib.

Finss.az bu barədə Azərbaycan Mərkəzi Bankının (AMB) yayımladığı məlumata əsasən xəbər verir ki, şirkətin topladığı sığorta haqları yanvar ayında 5 602 min manat olduğu halda, fevralda bu rəqəm 13 627 min manata yüksəlib. Bu, 143%-lik böyük artımdır və şirkətin bazarda gəlir cəlbetmə imkanlarını genişləndirdiyini göstərir. Lakin bu qədər sürətli artımın dayanıqlılığı sual doğurur.

Digər tərəfdən, sığorta ödənişlərində azalma qeydə alınıb. Yanvar ayında 1 869 min manat ödəniş edən şirkət, fevral ayında bu məbləği 1 648 min manata endirib. Bu isə 11,80%-lik azalma deməkdir. Müştərilər üçün bu, o qədər də müsbət xəbər deyil, çünki sığorta şirkətlərinin ödəniş siyasətində sərtləşmə halları narahatlığa səbəb ola bilər.

Sığorta haqlarının kəskin artması və ödənişlərin azalması, şirkətin gəlirliliyini artırmaq üçün daha ehtiyatlı ödəniş siyasəti yürüdə biləcəyini göstərir. Bu isə uzunmüddətli perspektivdə müştərilərin şirkətə etibarına təsir edə bilər.

Fuad Mədətov
Finss.az