Finss.az - Son dövrlərdə Azərbaycanda iri vergi ödəyiciləri sırasında öz mövqeyini daha da möhkəmləndirən “TABATERRA” Məhdud Məsuliyyətli Cəmiyyəti (MMC) diqqət mərkəzindədir.

Şirkət 2024-cü il üzrə vergilər üzrə daxilolma məbləği ilə ölkənin aparıcı vergi ödəyicilərindən birinə çevrilib. Belə ki, “TABATERRA” MMC-nin dövlət büdcəsinə ödədiyi verginin məbləği 689,3 milyon manat təşkil edib.

Bu göstərici “TABATERRA” MMC-nin iqtisadi fəaliyyətinin geniş miqyas aldığını və şirkətin Azərbaycan bazarında mühüm rol oynadığını təsdiqləyir. Qeyd edək ki, “TABATERRA” əsasən tütün məmulatlarının idxalı, istehsalı və satışı sahəsində ixtisaslaşmış şirkətdir. Şirkətin yüksək vergi ödəmə qabiliyyəti onun dövriyyəsinin və satış həcminin böyük olduğunu göstərir.

“TABATERRA” MMC-nin büdcəyə verdiyi töhfə Azərbaycanın qeyri-neft sektorunun inkişafı və vergi gəlirlərinin şaxələndirilməsi baxımından mühüm əhəmiyyət kəsb edir. Son illər ölkədə tütün və tütün məmulatları bazarına olan tələbatın artması da bu sektorda fəaliyyət göstərən iri şirkətlərin gəlirlərinə və dolayısı ilə vergi ödənişlərinə müsbət təsir edib.

Şirkətin uğurlu fəaliyyəti, həmçinin dövlət və özəl sektor arasında sağlam əməkdaşlığın nümunəsi kimi qiymətləndirilə bilər. “TABATERRA” MMC-nin gələcək illərdə də vergi öhdəliklərini uğurla yerinə yetirərək ölkə iqtisadiyyatına töhfə verməyə davam edəcəyi gözlənilir.