Fins.az xəbər verir ki, Avstraliyanın sol mərkəzçi hökuməti, xəbər məzmununu öz platformalarında yerləşdirən böyük texnologiya şirkətlərindən, xüsusən Meta Platforms (Facebook) və Google (Alphabet), avstraliyalı media şirkətlərinə pul ödəmələrini tələb edəcəyini bildirib. Əks təqdirdə, bu şirkətlər Avstraliyada fəaliyyətini davam etdirmək üçün milyonlarla dollar ödəmək məcburiyyətində qalacaq.

Avstraliya Maliyyə Xidmətləri üzrə nazir müavini Stephen Jones, təklif olunan yeni qaydaların, Avstraliyadakı əsas sosial media şirkətlərinə qarşı maliyyə stimulu yaradacağını və bu qaydaların gəliri 250 milyon dollardan çox olan platformalar üçün tətbiq olunacağını açıqlayıb. Jones, xəbərlər üçün ödənişin yalnız media şirkətlərini deyil, həmçinin axtarış motorlarını və sosial media platformalarını da əhatə edəcəyini qeyd edib.

Bu qərar, Avstraliyanın son vaxtlar texnoloji nəhənglərə qarşı sərt yanaşmasını davam etdirir.

Yeni qaydalar həmçinin Google, Meta və ByteDance (TikTok) kimi şirkətləri qarşısında ciddi təzyiqlər yaradacaq. Lakin, Jones, təkcə  X-ə (Twitter) yeni qaydaların aid edilməyəcəyini bildirib.