OpenAI-nin baş icraçı direktoru Sam Altman gələn 12 gün ərzində bir sıra açıqlamalar edəcəyini bildirib. O, bu açıqlamaların bəzilərini böyük xəbər adlandırıb.

Fins.az xəbər verir ki, ilk açıqlama öncəsi OpenAI saytında ultra premium ChatGPT Pro üzvlüyü aşkarlanıb. Bu üzvlüyün ən diqqət çəkən tərəfi aylıq 200 dollar qiymətə sahib olmasıdır. 

ChatGPT Pro üzvlüyü, o1 və GPT-4o modellərinə limitsiz giriş imkanı verir. Üstəlik, səs rejimi və yeni bir o1 rejimi də əlavə ediləcəyi gözlənilir.

o1 pro, yalnız ChatGPT Pro üzvlərinə təqdim ediləcək və ən çətin suallara ən yaxşı cavabları vermək üçün daha çox hesablama gücü istifadə edəcək.

Bununla belə, aylıq 200 dollar qiyməti, xüsusilə fərdi istifadəçilər üçün yüksəkdir və artıq tənqidlərə səbəb olub. Lakin, korporativ müştərilər tərəfindən maraqla qarşılanacağı düşünülür. OpenAI, qiyməti endirə biləcəyi ehtimalını da nəzərə alır.