Omnicom Group Inc., dünyanın ən böyük reklam şirkətini yaratmaq məqsədilə Interpublic Group-u almağa razılıq verib.

Fins.az xəbər verir ki, bu sövdələşmə nəticəsində Omnicom səhmdarları birləşmiş şirkətin 60,6 faizini, Interpublic səhmdarları isə 39,4 faizini əldə edəcəklər.

Birləşmiş şirkətin 2023-cü ilin qazancına əsasən illik ümumi gəliri 25 milyard dollardan çox olacaq. Bu, hazırda bazarda lider olan WPP Plc-nin keçən il qazandığı 18,9 milyard dollardan daha yüksəkdir.

Müstəqil kapital araşdırma firması MoffettNathanson Wall, bu birləşmənin reklam agentlikləri üçün xərcləri və imkanları azaltma potensialı yaratdığını vurğulayıb və "Əhəmiyyətli dəyişikliklərin astanasındayıq" ifadəsini istifadə edib.

Omnicom-un baş icraçı direktoru Con Wrenin rəhbərliyi altında şirkət, 70-dən çox ölkədə 5 mindən çox müştəriyə xidmət göstərir. Digər tərəfdən, Interpublic Group-u CEO Philippe Krakowsky idarə edir və şirkət təxminən 55.000 işçiyə malikdir.