Məşhur tətbiq WhatsApp, istifadəçi təcrübəsini təkmilləşdirmək üçün süni intellekt (SI) texnologiyasını tətbiq etməyə başlayıb.

Fins.az xəbər verir ki, android platforması üçün təqdim edilən yeni çat-bot funksiyası, istifadəçilərə daha uyğun cavablar təklif etmək məqsədilə yazışmaların bir hissəsini yadda saxlayır. Bu yenilik isə bir çoxlarının, xüsusilə də məlumat təhlükəsizliyindən narahat olan istifadəçilərin diqqətini çəkib.

Metа AI texnologiyasına əsaslanan çat-bot, istifadəçilərin yazışmalarının bir hissəsini yadda saxlayaraq daha dəqiq və kontekstual cavablar təqdim etməyə çalışır. Bu texnologiya vasitəsilə istifadəçilərə daha çox səmərəli xidmət göstərilməsi hədəflənir. İstehsalçıların verdiyi açıqlamalara görə, funksiya hazırda test mərhələsindədir və yalnız müəyyən istifadəçilərə təqdim olunur.

Rusiyada populyar olan Readovka nəşri, WhatsApp-ın bu yeni funksiyasını şübhə ilə qarşılayıb. Nəşr, Sİ-nın avtomatik olaraq yazışmaları yadda saxlamasının istifadəçi məlumatlarının gizliliyinə təhdid ola biləcəyini qeyd edir. Şübhələrin əsas mənbəyi, istifadəçilərin yazışmalarının nə qədər və hansı formada saxlanacağı, həmçinin bu məlumatların kənar şəxslərə ötürülməsi ehtimalıdır.

WhatsApp təmsilçilərinin verdiyi açıqlamalara əsasən, istifadəçilərə saxlanılan məlumatları idarə etmək imkanı veriləcək. Tətbiqdə yeni yaradılan "Yaddaş" bölməsi vasitəsilə istifadəçilər öz yazışmalarının saxlanma müddətini yoxlaya və istədikləri halda bu məlumatları silə biləcəklər. Bu imkan, xüsusilə təhlükəsizliyinə və məxfilik qaydalarına önəm verən istifadəçilər üçün əhəmiyyətli bir addım kimi qiymətləndirilir.