Apple bu yaxınlarda hər kəs üçün çox gözlənilən iOS 17.3 stabil versiyasını buraxdı. Bu yeni yeniləmə Oğurlanmış Cihazın Mühafizəsi siyasətini genişləndirdi. Müvafiq olaraq, istifadəçilər cihaz parollarını və ya hesabla əlaqəli məlumatları dəyişdirmək istədikdə, Face ID /Touch ID vasitəsilə biometrik autentifikasiyanı təmin etməlidir.

Fins.az xəbər verir ki, Apple bu yaxınlarda iOS 17.4 üçün ilk developer beta-nı buraxdı. Stabil versiya ilə istifadəçilərə mühüm yeniliklərin təqdim ediləcəyi gözlənilir. Bu yeniliklərin təkcə məxfilik və təhlükəsizlik deyil, həm də istifadəçilərin sevdiyi emojiləri əhatə edəcəyi gözlənilir. Bu kontekstdə iOS 17.4-ün stabil versiyası ilə hər kəs üçün əlçatan olacaq yeni emojilər ortaya çıxdı. 

iOS 17.4 Beta yeniləməsində 118 yeni emojinin təklif ediləcəyi məlum olub. Hazırda yalnız tərtibatçılar üçün əlçatan olan bu emojilər stabil versiyanın buraxılması ilə hər kəs üçün əlçatan olacaq. Qaçış, gəzinti, əlil arabası istifadəçisi, feniks, göbələk və üz emojiləri ilə qarşılaşacağıq. 

Yeni emojilərlə yanaşı, iOS 17.4 ilə də mühüm dəyişiklik olacaq. Rəqəmsal Bazarlar Aktı (DMA) çərçivəsində  Avropa İttifaqı Apple-a iOS  istifadəçilərinə  App Store-dan kənar proqramlar quraşdırmaq imkanı təklif etmək üçün vaxt verdi. Bu yenilik  iOS 17.4-ün stabil versiyası olan hər kəs üçün əlçatan olacaq.

Günel Məlikzadə
Fins.az