Tayvanda yerləşən çip istehsalçısı TSMC keçən ilin dördüncü rübü üçün balans hesabatını açıqladı.

Fins.z xəbər verir ki, dünyanın ən böyük çip istehsalçılarından biri olan Taiwan Semiconductor Manufacturing Company (TSMC) ötən ilin son rübündə təxminən 20 milyard dollar gəlir əldə edib.

Müvafiq olaraq, şirkətin gəlirləri dördüncü rübdə əvvəlki ilin eyni dövrü ilə müqayisədə sabit qalarkən, xalis gəliri 19,3% azalıb.

Ötən rübün nəticələri 2023-cü ilin üçüncü rübü ilə müqayisə edildikdə, dövriyyədə 14,4 faiz, xalis gəlirdə isə 13,1 faiz artım olub.

"Dördüncü rübdə gəlir üçüncü rübdən 14,4 faiz artdı, bu da sənayedə aparıcı 3 nanometr texnologiyamızın davam edən güclü yüksəlişi ilə dəstəklənir" dedi TSMC dördüncü rüb üçün mənfəət hesabatında.

TSMC-nin dördüncü rüb dövriyyəsi 19 milyard 620 milyon dollar oldu. Belə ki, dövriyyə əvvəlki rüblə müqayisədə 13,6 faiz artdığı halda, illik bazda 1,5 faiz azalıb.

Zəif makroiqtisadi şəraitin təsirinə baxmayaraq, şirkətin gözləniləndən daha yaxşı mənfəət və gəlirlər əldə etdiyi görüldü.

TSMC-nin ən böyük müştəriləri arasında Apple və Nvidia da var. TSMC Apple-ın iPhone-larında tapılan ən qabaqcıl prosessorları istehsal edir. Firmanın cümə axşamı günü verdiyi açıqlamada CEO CC Wei etiraf etdi ki, 2023-cü il makroiqtisadi şərait və inventar tənzimlənməsi dövrü səbəbindən "qlobal yarımkeçirici sənayesi üçün çətin bir ildir".

Son rübdə şirkətin ümumi mənfəət marjası 53 faiz, əməliyyat marjası 41,6 faiz, xalis mənfəət marjası isə 38,2 faiz təşkil edib.

Bu dövrdə gəlirlərin 15 faizi 3 nanometrlik çiplərdən, 35 faizi 5 nanometrlik çiplərdən, 17 faizi isə 7 nanometrlik çiplərdən əldə edilib.

2024-cü ilin birinci rübü üçün ümumi performansında, ümumi mənfəət marjasının 52% ilə 54% arasında olacağı və gəlirin 18 milyard dollar ətrafında olacağı proqnozlaşdırılırdı.

TSMC-nin bu il üçün əsaslı xərclərinin 28-32 milyard dollar arasında olacağı təxmin edilirdi.

Günel Məlikzadə
Fins.az