Bazar araşdırması şirkəti International Data Corporation (IDC) tərəfindən verilən açıqlamada qlobal smartfon bazarında çətinliklərin davam etdiyi və təcilin bərpaya doğru getdiyi qeyd edilib.

Fins.az xəbər verir ki, qlobal smartfon satışlarının 2023-cü ildə illik bazda 3,2 faiz azalaraq 1,17 milyard ədədə çatdığı qeyd edilib və bunun son 10 ilin ən aşağı satış həcmi olduğu vurğulanıb.

Açıqlamada Samsung-dan başqa bir şirkətin smartfon bazarında zirvədə olduğu son ilin 2010-cu il olduğu xatırladılıb və Apple-ın keçən il yüzdə 20,1 bazar payı ilə birinci yerdə olduğu bildirilib.

IDC məlumatlarına görə, keçən il Samsung 19,4 faiz bazar payı ilə ikinci yeri tutub, Xiaomi-nin bazar payı 12,5 faiz, Oppo-nun isə 8,8 faiz olub.

Əvvəlki illə müqayisədə 2023-cü ildə Apple-ın smartfon satış həcmi 3,7 faiz artarkən, Samsung-unki 13,6 faiz, Xiaomi-ninki 4,7 faiz və Oppo-nun satış həcmi 9,9 faiz azalıb.

Günel Məlikzadə
Fins.az