Süni intellekt sayəsində ixtisar edilənlərə yenisi əlavə edilib. Dil öyrənmə proqramı Duolingo, süni intellektə istinad edərək məzmun istehsalçılarının təxminən 10 faizini işdən çıxardı.

Fins.az xəbər verir ki, Duolingo sözçüsü ixtisarları təsdiqləyərək, “Tam zamanlı işçilərə təsir etməyəcək. Bəzi müqaviləli işçilərin gördüyü işi görmək üçün artıq o qədər insana ehtiyacımız yoxdur. Bunun bəziləri süni intellektlə edilə bilər" dedi.

Duolinqo bu vəziyyətin işdən çıxarılma olmadığını da vurğuladı və müqaviləli işçilərin 2023-cü ilin sonunda layihələrini tamamladıqdan sonra yollarını ayırdıqlarını bildirdi. Duolinqonun məşğulluqlarının azaldılması ilə bağlı hesabatlar ilk dəfə ötən dekabrın sonunda, şirkətdə işlədiyini iddia edən bir şəxs, süni intellektin xeyrinə müqavilə ilə işləyən tərcüməçilərin əhəmiyyətli bir hissəsini ixtisar etdiyini bildirdikdə ortaya çıxdı. Şirkət məzmun istehsalını və tərcümələri asanlaşdırmaq üçün OpenAI-nin GPT-4 kimi süni intellekt modellərinə müraciət etdiyi üçün işçi qüvvəsinin təxminən 10 faizini ixtisar edəcəyini təsdiqləyib.

ChatGPT və digər əsas dil modellərinin geniş tətbiqi dilə əsaslanan tapşırıqlar da daxil olmaqla geniş iş rollarına təsir göstərə bilər. Dünya İqtisadi Forumunun 2023-cü il İşlərin Gələcəyi hesabatına görə, süni intellekt növbəti beş ildə iş yerlərinin 23 faizini dəyişdirəcək.

Günel Məlikzadə
Fins.az