Süni intellekt 2024-cü ildə texnoloji təkamülün qabaqcılı kimi öz izini qoyacaq. Keçən ilki dəyişiklik küləkləri bu il də davam edir və biznesdən tutmuş əyləncəyə qədər bir sıra sektorlara dərindən təsir edəcək. Bununla belə, süni intellekt həm narahatedici potensialı, həm də gətirdiyi üstünlükləri daşıyır. 

Fins.az xəbər verir ki, keçən il şirkətlərin yeni avtomatlaşdırma modellərinə keçidi ilə bağlı geniş miqyaslı ixtisarlar baş verdi. Bu tendensiyanın davam edəcəyini düşünən iş adamları, 2024-cü ildə süni intellektdən istifadə edilərək görülən işlərə görə əlavə işdən çıxarmağı planlaşdırdıqlarını bildiriblər. Süni intellekt şirkətlər üçün xərclərə qənaət edən bir vasitədir. Ancaq bu vəziyyət işsizlik narahatlıqlarını da gətirir.

Süni intellektin digər potensial təsiri dezinformasiyadır. İnternetdə yanlış məlumatların yayılması süni intellektlə daha da pisləşə bilər. Süni intellektin qısa müddətdə böyük həcmdə məzmun istehsal edə bilməsi səbəbindən dezinformasiya qasırğaları internetdə sürətlə yayıla bilər. Xüsusilə seçki dövrləri kimi mühüm hadisələr zamanı yalan məlumatların yayılmasının qarşısını almaq üçün tədbir görülməli olduğu da vurğulanır.

Bundan əlavə, əyləncə sənayesində süni intellektin təsiri artır. Keçən ildən sonra, görünür, süni intellektdən istifadə edərək istehsal olunan musiqi və əyləncə dünyasında virtual insanlar 2024-cü ildə pop mədəniyyətini dəyişdirməyə davam edəcəklər.

Artıq həyatda olmayan müğənnilərin səs yazıları və görüntüləri süni intellektin köməyi ilə işlənilə, holoqramlar vasitəsilə konsertlər keçirilə bilər. Bununla da reallığa çox yaxın səhnə şouları həyata keçirilir. Bununla belə, bu yeniliklərin pop mədəniyyətini mənasız və dözülməz edə biləcəyi ilə bağlı narahatlıq da müzakirə mövzusudur.

Süni intellektin inkişafı ilə bağlı digər tərəf isə “texnoloji optimistlər” adlanan qrupdur. Bu qrup süni intellektin gətirdiyi yenilikləri tənqidə qapalı şəkildə müdafiə edir. Bu səbəbdən süni intellektin inkişafını tənzimləmək səylərinin qarşısını almağa çalışırlar.

Süni intellekt, şübhəsiz ki, gələcəyimizi dəyişəcək və formalaşdıracaq. Ancaq bütün bu inkişafın gətirdiyi çətinlikləri də gözardı etməmək vacib görünür.

Günel Məlikzadə
Fins.az