Cənubi Koreya sənaye mənbələrinə görə, ''Apple Watch X''1,90 düym və 2,04 düymlük ekran ölçüsü seçimlərinə sahib olacaq.

Fins.az CNN-ə istinadən xəbər verir ki, bu, ''X'' modelinin hazırda bazarda olan ''Series 8''-dən daha böyük olacağını göstərir. Çox güman ki, bu il buraxılacaq ''Series 9'' da Series ''8'' ilə eyni ölçülərə sahib olacaq. 

 ''Apple Watch''-da taptik mühərrik var. Saatda toxunma siqnalları işə salınarsa, bildiriş gələndə taptik mühərrik sayəsində istifadəçinin biləyinə vibrasiya göndərilir.

Yeni texnologiyanın batareya tutumunu artıracağı və enerjiyə qənaət edən yeni taptik mühərrikdən istifadə edəcəyi iddia edilir.

Zəminə Hüseyn
Fins.az