UEFA Avropa Liqasının Liqa mərhələsinin VI turunda keçiriləcək “Elfsborq” (İsveç) – “Qarabağ” matçından öncə Ağdam təmsilçisinin baş məşqçisi Qurban Qurbanovun iştirakı ilə mətbuat konfransı və komandanın açıq məşqinin vaxtı açıqlanıb.

Fins.az xəbər verir ki, mətbuat konfransı bu gün, Bakı vaxtı ilə saat 21:40-da keçiriləcək. Saat 22:00-da isə məşqin ilk 15 dəqiqəsi media nümayəndələri üçün açıq olacaq.

Bu arada, “Qarabağ”ın daha bir futbolçusu İsveçdə keçiriləcək matçı buraxacaq. Müdafiəçi Bəhlul Mustafazadə oyunun hazırlığı zamanı aldığı zədə səbəbindən komandaya kömək edə bilməyəcək. Azərbaycan millisinin üzvü bud arxa əzələsinin gərilməsi nəticəsində 4-6 həftə yaşıl meydanlardan kənarda qalacaq.

Öncədən zədələnmiş Aleksey İsayev və Kevin Medina da görüşü buraxacaq.

Bu səbəblə, “Qarabağ” İsveçdəki oyuna əhəmiyyətli itkilərlə çıxacaq.

Qeyd edək ki, dekabrın 12-də keçiriləcək “Elfsborq” – “Qarabağ” matçı Bakı vaxtı ilə saat 00:00-da başlayacaq.