Futbol əfsanəsi Lionel Messi və dünya ulduzları Luis Suarez, Serxio Buskets və Xordi Alba Bakıya gəlir!

Fins.az xəbər verir ki, dekabrın 11-də Bakı Kristal Zalında keçiriləcək tədbirdə pərəstişkarlar, dünyanın ən yaxşı futbolçusu və səkkiz dəfə "Qızıl Top" mükafatı qazanan Lionel Messi ilə komanda yoldaşlarını görmək imkanı qazanacaq.

İştirakçılar futbol ulduzları ilə maraqlı anlar yaşayacaq və Messinin həyatını və karyerasını əks etdirən filmi izləyəcəklər. Film izləyicilərə futbol ulduzunun həyatı və karyerası ilə bağlı unikal anlar təqdim edəcək.

Tədbiri xüsusi musiqi atmosferi müşayiət edəcək. Bakı Kristal Zalının səhnəsində dünyaşöhrətli bəstəkar və müğənni Villi Uilyam, məşhur "Morandi" qrupu çıxış edəcək. İştirakçılara enerjili və yaddaqalan ritmlərlə musiqili proqram təqdim olunacaq.

Tədbir yalnız futbolsevərlər üçün deyil, həm də musiqi həvəskarları üçün unudulmaz anlar vəd edir. Hər kəsi bu unikal təcrübəyə qoşulmağa dəvət edirik!

Biletləri iTicket.az saytından və satış məntəqələrindən əldə etmək mümkündür.

Bilet satışından əldə olunan vəsait xeyriyyə məqsədinə yönəldiləcək.