22 oktyabr 2024-cü il tarixində Abu-Dabidə keçirilən MMA üzrə UAE Warriors 55 turnirində Azərbaycan idmançısı Aliskander Aliyev, qələbə ilə çıxış edərək, peşəkar döyüş kariyerasında yeni bir addım atdı.

Fins.az xəbər verir ki, turnirdə Aliskanderin rəqibi, heç bir məğlubiyyəti olmayan Abdulmanap Nurmagomedov məktəbinin yetirməsi Magomedrasul Hahulmagomedov oldu. Bu döyüşdə Aliskander, ilk raundun başlanğıcında nokaudla (Flying Knee) rəqibini məğlub edərək, qələbə qazandı.

Bu, Aliskander Aliyevin UAE Warriors təşkilatında qazandığı ikinci qələbəsidir. İyulun 27-də, o, Həbib Nurmagomedovun komandası nümayəndəsi Rustam Serbiyevə birmənalı hakim qərarı ilə qalib gəlmişdi.

Aliskander Aliyev Mammadaliyevs Fight School klubunu təmsil edir. İdmançının bu müvəffəqiyyəti, Azərbaycan MMA-sının beynəlxalq arenada tanınmasına və inkişafına mühüm töhfə verir.