Azərbaycanın mədəniyyət paytaxtı Şuşada 10-cu Vüqar Həşimov Memorialı şahmat turniri möhtəşəm açılış mərasimi ilə start götürüb.

Fins.az xəbər verir ki, turnir Vüqar Həşimov Şahmat Fondu, Azərbaycan Respublikası Gənclər və İdman Nazirliyi və Azərbaycan Şahmat Federasiyasının birgə təşkilatçılığı ilə həyata keçirilir.

Açılış mərasimində Şuşa rayonunun xüsusi nümayəndəliyinin baş məsləhətçisi Süleyman Rüstəmov qonaqları salamlayaraq tədbirə uğurlar arzulayıb.

Turnirdə Vüqar Həşimovun həyatı və karyerasına həsr olunmuş video təqdim edilib.

Şahmat Federasiyasının prezidenti Mahir Məmmədov turnirin yüksək səviyyəli şahmatçıları bir araya gətirdiyini vurğulayıb.

Ənənəvi turnirdə Azərbaycanı təmsil edən Şəhriyar Məmmədyarov, Rauf Məmmədov və Aydın Süleymanlı ilə yanaşı, beynəlxalq səviyyəli şahmatçılar mübarizə aparacaq. Rapid və blits oyunlarının cəmi əsasında yarışın qalibi müəyyən ediləcək.

Zemfira Ms
Fins.az