“Qarabağ” futbol klubu UEFA Avropa Liqasının Liqa mərhələsinin ilk oyununda İngiltərənin “Tottenhem” komandasına qarşı mübarizə aparacaq.

Fins.az, Ağdam təmsilçisinin mətbuat xidmətinin məlumatına istinadən xəbər verir ki, komanda artıq İngiltərəyə yola düşüb.

Oyun sentyabrın 26-da Londondakı “Tottenhem Hotspur” stadionunda Bakı vaxtı ilə saat 23:00-da başlayacaq.

UEFA-nın təyin etdiyi hakimlər heyəti Fransadan gələn ədalət təmsilçilərindən ibarətdir.

Matçı baş hakim Willy Delajod idarə edəcək. Ona Erwan Finjean və Philippe Jeanne kömək edəcək. Thomas Leonard dördüncü hakim kimi fəaliyyət göstərəcək. 

Bu oyun “Qarabağ”ın Avropa Liqasının yeni formatında keçirdiyi ilk qarşılaşma olacaq və Ağdam təmsilçisi azarkeşlərinin dəstəyilə yaxşı nəticə əldə etməyə çalışacaq.

Zemfira Ms
Fins.az