Sözcü qəzetinin xəbərinə görə, Sarı-qırmızılıları yaşadan adlar Almaniyadan transferlərdi. 

Fins.az xəbər verir ki, Kaan Ayhan, alman infrastrukturundan gələn Kerem Demirbay və yeni heyətə qatılan Derrik Köhn kimi adlar komandaya töhfə versə də, qiymət-performans baxımından da fərq yaratdılar.

İcarə və transfer haqqı olaraq 3,2 milyon avro ödənilən Kaan Ayhan 1 milyon avro maaş qəbul edib. Alman, italyan, ispan və ingilis dillərini çox yaxşı bilən Kaan komandanın ən məşhur üzvlərindən biridir. Yerli və əcnəbi futbolçular arasında körpü rolunu oynayan qürbətçi oyunçu zarafatcıl xüsusiyyəti ilə məşqçi Okan Burukun əlini meydanda rahat salır.

"Qalatasaray"ın sol cinah müdafiəçisi probleminin həllini də Almaniya tapıb. Mövsümün əvvəlində Derrik Köhn üçün Hannoverin qapısını döyən sarı-qırmızılılar futbolçunun yüksək transfer haqqına görə geri addım atıb. Alman komandası fasilədə maliyyə böhranına girəndə Köhn üçün 3 milyon 350 min avro ödəməyə razı oldular. 25 yaşlı alman futbolçunun maaşı illik 500 min avrodur.

Bu mövsüm vaxtaşırı şansları olan 19 yaşlı Eyüp Aydın da “Ayaks” əvəzinə “Qalatasaray”ı seçib. Cimbom, Bayern Münhen infrastrukturundan çıxan gənc futbolçuya böyük ümidlər bəsləyir.

Günel Məlikzadə
Fins.az