Superliqada liderliyini qorumaq istəyən "Fənərbaxça" doğma meydanda "Sivasspor"u qəbul edəcək. Həftə ərzində Avropa arenasında gözlənilməz məğlubiyyətlə üzləşən sarı-göylülər liqa qalibi olmaqla mənəviyyatını bərpa etmək istəyir. Bəs Fenerbahçe Sivasspor Super Liqa matçı nə vaxt, saat neçədə, hansı kanalda? 

Fins.az xəbər verir ki, qarşılaşmadan əvvəl sarı-göylülər 13 görüşdə 11 qələbə, 1 heç-heçə və 1 məğlubiyyətlə 34 xal toplayıb. “Qırmızı-ağlar” 3 qələbə, 6 heç-heçə və 4 məğlubiyyətlə 15 xalla 13-cü pillədə qərarlaşıb. “Fənərbaxça” rəqibinə qalib gələcəyi təqdirdə liderliyini davam etdirəcək.

"Fənərbaxça" və "Sivasspor" Superliqa tarixində indiyədək 34 dəfə üz-üzə gəlib. Sözügedən yarışlarda sarı-göylülər 19 dəfə, qırmızı-ağlılar isə 7 dəfə qalib gəlib. 8 görüş heç-heçə başa çatıb. Yarışda “Fənərbaxça” 71 qol vurduğu halda, “Sivasspor” 44 qolla cavab verib. Fənərbaxça ötən mövsüm liqada oynadığı hər iki matçda meydanı qələbə ilə tərk edib. Ziraat Türkiyə Kubokunun Yarımfinalında iki komanda arasında 0-0 və 3-0 hesablı qələbə ilə sarı-göylülər qalib gəlib.

“Fənərbaxça” doğma liqada “Sivasspor”la matçlarda üstünlüyə malikdir. İki komanda arasında İstanbulda keçirilən 17 qarşılaşmanın 12-də sarı-göylər, 3-də qırmızı-ağlılar qalib gəlib, 2-də isə heç-heçə qeydə alınıb. Bu matçlarda "Fənərbaxça" 37 qol vurduğu halda, "Sivasspor" 17 dəfə fərqlənib.

Super Liqanın 14-cü həftəsində bu gün saat 21.00-da Ülkər Stadionunda Sivasspor ilə qarşılaşacaq Fənərbaxça matçı Bein Sports 1 ekranlarından canlı izləyə bilərsiniz.

Günel Məlikzadə
Fins.az