Beşiktaşda konqres işini davam etdirən Serdal Adalı 200 milyon avro gəlir gözlədikləri daşınmaz əmlak müqaviləsini açıqlayıb.

Fins.az xarici CNN-ə istinadən xəbər verir ki, Prezidentliyə namizəd Serdal Adalı "Beşiktaş Master Planı" toplantısında bazar günü keçiriləcək ümumi qurultaydan əvvəl hədəflərini açıqlayıb. Layihələrini bir-bir paylaşan Adalı daşınmaz əmlak sövdələşməsindən 200 milyon avro (6,3 milyard lirə) gəlir gözlədiklərini bildirib:

- Borcsuz Beşiktaş istəyiriksə, çox vacib işlər görməliyik. Stadionun tutumunu artırmaq istəyirik ki, daha 9 min 836 bilet satılsın. Beləliklə, stadionumuzun gəliri xeyli artıracağıq. Stadionumuzu bəzi qurumlardan kənarlaşdırmaq üçün heç kimin bəhanəsi olmayacaq.

- Nevzat Demir Obyektlərindəki 88 min kvadratmetr sahəyə əlavə olaraq, obyektin içərisinə eyni ölçüdə başqa bir sahə də daxil edəcəyik. Bu layihə ilə cəmiyyətimizə yeni bir obyekt qazandıracaq, gənclərimizi böyüdəcək və ən önəmli dəyərlərimizdən biri olan Serpil Hamdi Tüzün müəllimimizi yaşatacağıq.

- Fulyada razılaşdırılmış ərazidə 12 min kvadrat metrlik Şan Ökten Həvəskar Filiallar Mərkəzini quraraq həvəskar filialları bir araya toplayacağıq. Biz dünyada baş verən texnoloji transformasiyadan geri qala bilmərik. İdmançılarımıza onların inkişafı üçün layiq olduqları standartları təqdim edəcəyik.

Günel Məlikzadə
Fins.az