FIFA 2022-ci il Puşkaş mükafatına finalçı namizədləri açıqlayıb.

Fins.Az qurumun rəsmi saytına istinadən xəbər verir ki, 11 oyunçudan 3-nün qolu ilin ən yaxşısı olmağa namizəddir.

Amputa futbolu üzrə Polşanın “Varta” klubunun üzvü Martsin Oleksi də yekun iddiaçılar sırasına düşüb.

Mükafata, həmçinin, braziliyalı Rişarlison (Qətərdə keçirilən dünya çempionatında Serbiyanın qapısına akrobatik tullanışla vurduğu qol) və fransalı Dimitri Paye (“Marsel”in heyətində Avropa Liqasının 1/4 final mərhələsində uzaq məsafədən vurduğu qol) də iddia edir.

2009-cu ildə FIFA tərəfindən təsis edilən Puşkaş mükafatını 2021-ci ildə İngiltərənin “Tottenhem” klubunun yarımmüdafiəçisi Erik Lamela alıb.

Qeyd edək ki, “The Best” mükafatı bu il fevralın 27-də təqdim ediləcək.