Braziliyalı futbolçu David Luis həm UEFA Çempionlar Liqasını, həm də Libertadores Kubokunu qazanan 12-ci oyunçu olub.
Fins.az Beynəlxalq Futbol Tarixi və Statistikaları Federasiyasının rəsmi saytına istinadən xəbər verir ki, 35 yaşlı müdafiəçi son olaraq Braziliya təmsilçisi "Flamenqo"nun heyətində Cənubi Amerikanın ən yaxşı klub turnirini qazanıb.
Komanda finalda ölkənin digər klubu "Atletiko Paranaense"ni məğlubiyyətə uğradıb - 1:0.
Çempionlar Liqası və Libertadores Kubokunu qazananların hamısı Braziliya (9) və Argentinadandır (3).
Siyahıya yalnız bu turnirlərdə ən azı bir dəfə meydana çıxanlar daxil edilib. 2002-ci ildə İspaniya "Real Madrid"i ilə Avropadakı yarışın qalibi olan Santyaqo Solari 1996-cı ildə Argentina "River Pleyt"inin oyunçusu olsa da, Libertadores Kubokunda iştirak etməyib.
2003-cü ildə Argentina "Boka Xuniors"u ilə Cənubi Amerikada titula sahib çıxan Villi Kabalyero da 2020/2021 mövsümündə İngiltərə "Çelsi"sinin heyətində qitənin bir nömrəli klub yarışında meydana çıxmayıb.
| Oyunçu | Ölkə | Çempionlar Liqası | Libertadores Kuboku | |
| 1 | Xuan Pablo Sorin | Argentina | "Yuventus" 1996 | "River Pleyt" 1996 |
| 2 | Dida | Braziliya | "Milan" 2003, 2007 | "Kruzeyro" 1997 |
| 3 | Roke Junior | Braziliya | "Milan" 2003 | "Palmeyras" 1999 |
| 4 | Kafu | Braziliya | "Milan" 2007 | "San Paulu" 1992, 1993 |
| 5 | Karlos Teves | Argentina | "Mançester Yunayted 2008 | "Boka Xuniors" 2003 |
| 6 | Valter Samuel | Argentina | "İnter" 2010 | "Boka Xuniors" 2000 |
| 7 | Ronaldinyo | Braziliya | "Barselona" 2006 | "Atletiko Mineyro" 2013 |
| 8 | Neymar | Braziliya | "Barselona" 2015 | "Santos" 2011 |
| 9 | Danilo | Braziliya | "Real Madrid" 2016, 2017 | "Santos" 2011 |
| 10 | Rafinya | Braziliya | "Bavariya 2013 | "Flamenqo" 2019 |
| 11 | Ramires | Braziliya | "Çelsi" 2012 | "Palmeyras" 2020 |
| 12 | David Luis | Braziliya | "Çelsi" 2012 | "Flamenqo" 2022 |