"Bakı Fond Birjası" “Azfinance"-ı tərəfdaş seçib
“Azfinance Investisiya Şirkəti” QSC “Bakı Fond Birjası” QSC-nin (BFB) Azərbaycanın kapital bazarından maliyyələşməni təşviq edən, bu istiqamətdə emitentlərlə ödənişsiz məlumat və məsləhət xidmətləri göstərən Listinq Məsləhət Proqramına (LMP) qoşulub.
Xatırladaq ki, LMP ölkə prezidentinin 6 dekabr 2016-cı il tarixli fərmanı ilə təsdiq olunmuş "Maliyyə xidmətlərinin inkişafına dair Strateji Yol Xəritəsi" çərçivəsində BFB-nin müvafiq strategiyasına uyğun həyata keçirilir.
“Azfinance" 2014-cü ildə yaradılıb. Onun nizamnamə kapitalı 1,55 milyon manatdır. İnvestisiya şirkətinin səhmləri 100 % Dubayda (BƏƏ) qeydiyyatdan keçmiş “G Capital Middle East Ltd.” şirkətinə məxsusdur.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları “Azfinance" investisiya şirkəti vasitəsilə həyata keçirmək mümkündür.
