Finss.az - Sinqapurun dövlət investisiya fondu Temasek Holdings-in portfelinin dəyəri 2024-cü maliyyə ilində 11,6% artaraq 434 milyard Sinqapur dollarına ($324 milyard) çatıb.

Bu göstərici fondun tarixində ən yüksək səviyyədir. Artımda Sinqapur şirkətlərinin səhmlərinin, eləcə də ABŞ, Hindistan və Çin aktivlərinin qiymətinin yüksəlməsi əsas rol oynayıb.

Maliyyə ilində Temasek aktivlərini rekord 32 milyard dollar məbləğində satıb. Bu satışlara LNG ticarətçisi Pavillion Energy, Olam Group-un törəmə şirkətindəki aqrobiznes nəzarət paketi və Singapore Airlines-in konvertasiya edilə bilən istiqrazları daxildir.

Ümumilikdə, Sinqapur dolları ilə hesablanan səhmdar gəliri 11,8% təşkil edib. Fondun portfelində ilk dəfə dörd il sonra birja aktivlərinin payı 51%-ə çatıb.

Sinqapur və Çin şirkətlərinə yatırımlar müvafiq olaraq 27% və 18% təşkil edir, inkişaf etmiş ölkələrdə isə sərmayə payı 66%-dir. Əsas investisiya sektorları nəqliyyat-sənaye və maliyyə sahələridir (hər biri 22%).