Finss.az - ABŞ-n kosmik texnologiya şirkəti Sierra Space, Koloradodakı Brumfild şəhərində yeni istehsal müəssisəsi açaraq texnologiya mərkəzini genişləndirir.

Yeni zavod 6500 kvadrat metr sahədə fəaliyyət göstərəcək və kompakt Surface Mount Technology (SMT) tipli günəş panellərinin istehsalına fokuslanacaq.

Sierra Space-in vitse-prezidenti Erik Deyler bildirib ki, şirkət həftədə bir peyk üçün günəş paneli istehsal edə biləcək. ABŞ hərbi qüvvələri artıq bu günəş panellərinə maraq göstərir və onları orbital qruplaşmaların enerji təchizatı üçün istifadə edir. Yeni müəssisə termovakuum və hava kameraları daxil olmaqla, qabaqcıl test imkanları ilə təchiz olunacaq.

Bu genişlənmə Sierra Space-in kosmik sənayedə mövqeyini gücləndirməklə yanaşı, ABŞ-ın hərbi kosmik proqramlarına da dəstək verəcək.