Finss.az - Avrozona istehsal sektorunda iyun ayında biznes fəaliyyətində bərpa əlamətləri müşahidə olunub.

SP Global-in açıqladığı HCOB istehsal sektoru biznes fəaliyyəti indeksi (PMI) may ayındakı 49,4 ballıq göstəricidən iyunda 49,5-ə yüksələrək avqust 2022-ci ildən bəri ən yüksək səviyyəyə çatıb.

İndeks hələ də 50 ballıq artım həddinin altında qalsa da, yeni sifarişlərin azalmasının dayandırılması uzun müddətdən sonra sektorda ilkin yaxşılaşmanın işarəsi hesab edilir. İstehsal sektorunda 29 ay davam edən azalma dövrü yavaş-yavaş aradan qalxmağa başlayır.

Ekspertlər bu stabilləşmənin Avrozona sənayesinin gələcəkdə canlanmasına işarə etdiyini bildirirlər.