Finss.az - May ayında ABŞ-da istehlakçı etimad indeksi əvvəlki ayla müqayisədə 52,2-dən 50,8 bal səviyyəsinə düşüb.

Michigan Universitetinin ilkin hesabatına görə, indeks beş ay ardıcıl azalma göstərərək 2022-ci ilin iyunundan bəri ən aşağı səviyyəyə enib. Analitiklərin gözləntiləri isə indeksi 53,4 bal səviyyəsində artım yönündə idi.

2024-cü ilin may ayında indeks 69,1 bal olduğu halda, bu il mayda əhval-ruhiyyədə nəzərəçarpan pisləşmə baş verib. Vaşinqtonun tətbiq etdiyi ticarət rüsumları nəticəsində inflyasiya qorxusunun artması amerikalıların maliyyə vəziyyətinə və iqtisadi gözləntilərinə mənfi təsir göstərir. Sorğu iştirakçılarının üçdə üçü ticarət rüsumlarından narahat olduqlarını bildirib.

İstehlakçıların cari maliyyə vəziyyətinə münasibət alt indeksi 2008-ci ildən bəri ən aşağı — 57,6 bal səviyyəsinə enib. Gələcək altı ay üçün iqtisadi gözləntilər indeksi isə 1980-ci ildən bəri ən aşağı — 46,5 bal səviyyəsindədir.

Əhalinin inflyasiya gözləntiləri isə mayda 7,3%-ə yüksələrək 1981-ci ildən bəri ən yüksək səviyyəyə çatıb. Uzunmüddətli inflyasiya proqnozu da mart 1991-ci ildən bəri ən yüksək — 4,6% səviyyəsindədir.

Michigan Universiteti may ayı üçün istehlakçı etimad indeksinin yekun nəticəsini mayın 30-da açıqlayacaq.