ABŞ prezidenti Donald Trampın administrasiyası hökumətin rəsmi saytlarından iqlim böhranı ilə bağlı istinadları silməyə və ya gizlətməyə başlayıb.

Fins.az xəbər verir ki, bu cür dəyişikliklər bir sıra departamentlərin, o cümlədən Ətraf Mühitin Mühafizəsi Agentliyinin (EPA), Energetika Departamentinin və Milli Okean və Atmosfer Administrasiyasının (NOAA) resurslarına təsir edib.

“The Guardian” yazır ki, iqlim dəyişikliyinin təsirləri, elmi araşdırmalar və istixana qazlarının tullantılarının azaldılması strategiyaları ilə bağlı bölmələr saytlardan yoxa çıxıb. Bəzi səhifələr tamamilə silindi və bir sıra hallarda “iqlim böhranı” və “qlobal istiləşmə” kimi terminlər “ekoloji problemlər” və ya “enerji problemləri” kimi daha neytral ifadələrlə əvəz olundu.