Finss.az - Forbes jurnalının açıqladığı 2025-ci il üçün milyarderlər siyahısına əsasən, SpaceX, Tesla və X (keçmiş Twitter) şirkətlərinin sahibi İlon Mask dünyanın ən varlı adamı seçilib.

Onun sərvəti 342 milyard dollar olaraq qiymətləndirilir.

Milyarderlər siyahısında ikinci pillədə Meta şirkətinin qurucusu Mark Zukerberq qərarlaşıb. Onun sərvəti 216 milyard dollar təşkil edir. Üçüncü yerdə isə Amazonun qurucusu Ceff Bezos dayanır. O, 215 milyard dollar sərvətlə dünyanın ən zəngin insanları arasında yer alıb.

Maraqlıdır ki, ilk dəfə olaraq reytinqdə 200 milyard dollardan çox sərvətə malik üç milyarder yer alıb.

Dördüncü sırada Oracle şirkətinin həmtəsisçisi Larri Ellison dayanır. Onun sərvəti 192 milyard dollar olaraq hesablanıb.

Ötən il siyahıya başçılıq edən LVMH (Louis Vuitton Moet Hennessy) şirkətlər qrupunun sahibi Bernar Arno isə bu il beşinci pilləyə düşüb. Onun sərvəti 178 milyard dollar təşkil edir.