30 iyun 2025-ci il tarixindən etibarən Rusiyaya gələn xarici vətəndaşlar üçün yeni nəzarət sistemi işə düşəcək. Təşəbbüs miqrantların şəxsi və biometrik məlumatlarından ibarət rəqəmsal profil yaradacaq.

Fins.az xəbər verir ki, yenilik Rusiya hökumətinin fərmanında öz əksini tapıb. İndi sərhədi keçən hər bir əcnəbi barmaq izi və foto çəkilişdən keçməlidir. Bu məlumatlar rəqəmsal profil üçün əsas olacaq ki, bu da xarici vətəndaşların ölkədə qalma statusunu daha effektiv izləməyə imkan verəcək.

Bundan əlavə, Rəqəmsal İnkişaf Nazirliyi xaricilərin RuID mobil tətbiqi vasitəsilə özbaşına rəqəmsal profil yarada biləcəklərini açıqlayıb. Əcnəbilər üçün dövlət xidmətlərinin analoqu olan bu xidmət pilot layihə çərçivəsində hazırlanacaq. Onun köməyi ilə istifadəçilər Rusiyaya gəlişləri barədə məlumat verə və müxtəlif xidmətlər, o cümlədən tibbi sığortanın alınması və ya Daxili İşlər Nazirliyində qeydiyyatdan keçə biləcəklər.

Kaira Agayeva 

Fins.az