Nyu-York ştatında neft və qaz şirkətlərini qarşıdakı 25 il ərzində 75 milyard dollar ödəməyi tələb edən yeni iqlim qanunu qüvvəyə minib.

Fins.az xəbər verir ki, iqlim Dəyişikliyi üzrə SuperFond Aktı iqlimə təsirlərin azaldılması üzrə maliyyə məsuliyyətini vergi ödəyicilərindən neft və qaz korporasiyalarına keçir. Şirkətlər 2000-2018-ci illər arasında istehsal olunan istixana qazları emissiyalarından dəyən zərəri ödəmək məcburiyyətindədirlər. Hər il onlar 3 milyard dollar ödəməlidirlər ki, bu da əyalət hökumətinin iqlim investisiyaları üçün istifadə edəcəyi, o cümlədən:

- infrastrukturun təkmilləşdirilməsi,
- ekstremal hava şəraitindən qorunma,
- 2050-ci ilə qədər regionun iqlim dəyişikliyinə davamlılığının artırılması.

Qanun son 18 ildə 1 milyard tondan çox istixana qazı buraxan şirkətlərə təsir edəcək.
Nyu York ştatının senatoru Liz Krueger qeyd etdi ki, çirkləndirici ödəyir prinsipi mövcud Superfund qanunlarına uyğundur və xərc yükünün ədalətli şəkildə yenidən bölüşdürülməsinə kömək edəcək.

Kaira Agayeva 

Fins.az