2024-cü ilin yanvar-noyabr aylarında Yunanıstandan Türkiyə limanlarına 7 milyon 847 min 361 ton yük daşınıb.

Fins.az xəbər verir ki, bu barədə Türkiyənin Nəqliyyat və İnfrastruktur Nazirliyindən məlumat verilib.

Nazirlikdən verilən məlumata görə, bu müddət ərzində Türkiyə bayrağı altında üzən gəmilər Yunanıstandan Türkiyə limanlarına 749 min 172 ton yük daşıyıb.

Həmçinin, 2024-cü ilin yanvar-noyabr aylarında Yunanıstandan Türkiyəyə digər dövlətlərin bayrağı altında üzən gəmilərlə 6 milyon 901 min 807 ton yük daşınıb.

Nazirlikdən əlavə edilən məlumatda qeyd olunub ki, bu müddət ərzində Yunanıstandan Türkiyəyə Yunanistan bayrağı ilə üzən gəmilərlə 196 min 382 ton yük çatdırılıb.

2024-cü ilin yanvar-noyabr aylarında Yunanıstandan Türkiyə limanlarına 1 milyon 270 min 604 ton tranzit yük daşınıb.

Qeyd edək ki, 2024-cü ilin noyabr ayında Türkiyə limanları 32 milyon 470 min 94 ton yük qəbul edib. Bu dövr ərzində Türkiyə bayrağı altında gəmilərlə daxili limanlara yük qəbulu 2 milyon 436 min 123 ton təşkil edib.

Türkiyə limanlarına digər ölkələrin bayraqları altında gəmilərlə yük daşınması 30 milyon 33 min 971 ton olub.

Bununla yanaşı, 2024-cü ilin noyabr ayında Türkiyə limanlarından 5 milyon 956 min 963 ton transit yük daşınıb.

2024-cü ilin yanvar-noyabr aylarında Türkiyə limanları ümumilikdə 363 milyon 841 min 53 ton yük qəbul edib. Bu müddət ərzində Türkiyə bayrağı altında gəmilərlə yük qəbulu 27 milyon 488 min 32 ton, digər ölkələrin bayraqları altında isə 336 milyon 353 min 21 ton olub.

Məlumatda həmçinin qeyd olunub ki, bu dövr ərzində Türkiyə limanlarından 63 milyon 524 min 718 ton transit yük daşınıb.

2024-cü ilin noyabr ayında Türkiyə limanları 4 min 373 gəmi qəbul edib. Bu dövr ərzində Türkiyə limanlarına digər ölkələrin bayraqları altında qəbul edilən gəmilərin sayı 2 min 966, Türkiyə bayrağı altında qəbul edilən gəmilərin sayı isə 1 min 407 olub.

2024-cü ilin yanvar-noyabr aylarında Türkiyə limanları ümumilikdə 56 min 86 gəmi qəbul edib. Bu müddət ərzində Türkiyə limanları tərəfindən qəbul edilən digər ölkələrin bayraqları altında olan gəmilərin sayı 36 min 550, Türkiyə bayrağı altında olan gəmilərin sayı isə 19 min 536 olub.

Fuad Mədətov
Fins.az