Fins.az - Türkiyə prezidenti Rəcəb Tayyib Ərdoğan, Ərzurumda gənclərlə görüşündə Efiopiya və Somali arasında davam edən böhranın həllinə dair mühüm məlumatlar verib.

Ərdoğan, Türkiyənin diplomatik təşəbbüsü ilə baş tutan 7 saatlıq görüşün ardından bu böhranın həllində ciddi irəliləyiş əldə edildiyini bildirib.

Ərdoğan, "Yeni ilin ilk iki ayında Efiopiya və Somaliyə səfər edəcəyəm. Bu səfərlər gözəl bir gələcəyi bütün dünyaya duyuracaq," – deyə vurğulayıb. Prezidentin bu açıqlamaları, Türkiyənin Afrikadakı rolu və regional sülhə verdiyi əhəmiyyətin artırılmasında mühüm addım kimi qiymətləndirilir.

Türkiyənin bu təşəbbüsləri, Afrikadakı böhranların həllində aparıcı bir güc olaraq çıxış etməsi və sülh proseslərini dəstəkləməsi ilə diqqət çəkir.