"Monqolustan, Rusiya prezidenti Vladimir Putinin ölkəyə səfəri zamanı Beynəlxalq Cinayət Məhkəməsinin (ICC) həbs orderini yerinə yetirməkdən imtina etdiyi üçün təqib oluna bilər."

Fins.az xəbər verir ki, Politico-ya müsahibə verən hüquq ekspertləri, ICC-nin Monqolustan haqqında məsələni İştirakçı Dövlətlərin Assambleyasına göndərə biləcəyini bildiriblər.

Hüquq Tədqiqatları İnstitutunun baş əməkdaşı Tamaş Hoffmann qeyd edib ki, bu, Monqolustanın hərəkətinin pislənməsinə səbəb ola bilər, lakin sanksiyaların tətbiqi kimi ciddi nəticələr nəzərdə tutulmur.

Putin, həbs qərarı çıxarılandan sonra ilk səfərini Roma Əsasnaməsini ratifikasiya etmiş ölkələrdən biri olan Monqolustana edib.

Avropa İttifaqı və Ukrayna Xarici İşlər Nazirliyi Monqolustanı Putini təhvil verməyə çağırsa da, ICC bununla bağlı konkret tədbirlər açıqlamayıb.

Kaira Agayeva 

Fins.az