Dörd sənaye və ticarət mənbəsinin bəyanatında deyilir ki, Rusiya daxili bazarda təklifi aradan qaldırmaq üçün mart ayında Belarusdan benzin idxalını artırıb.

Fins.az xəbər verir ki, Rusiya ümumilikdə yanacaq ixrac edən ölkədir, lakin Rusiya neft emalı zavodlarının fəaliyyətinin dayandırılması neft şirkətlərini idxal etməyə məcbur edib.

Ukraynanın ilin əvvəlindən Rusiya neftayırma zavodlarına dəfələrlə dron hücumundan sonra daxili bazar üçün kifayət qədər yanacaq təmin etmək məqsədilə Rusiya martın 1-dən benzin ixracına qadağa qoyub.

Rusiya Belarusdan normal olaraq çox az yanacaq idxal edir, lakin benzinin qiymətinin sürətlə artmasına səbəb olan yanacaq çatışmazlığı ilə üzləşdikdə avqust-oktyabr aylarında idxala üz tutdu.

Statistikaya görə, Rusiya bu il Belarusdan benzin idxalını yenidən artırıb və martın birinci yarısında idxal təxminən 3 min metrik tona çatıb. Fevralda Rusiya 590 ton idxal etdiyi halda, yanvarda Belarusdan yüklənmə olmayıb.

Günel Məlikzadə
Fins.az