Almaniyada yoxsulların sayının Covid-19 epidemiyasından əvvəlki ilə müqayisədə təxminən 1 milyon artaraq 2022-ci ildə 14,2 milyona çatdığı bildirildi.

Fins.az xəbər verir ki, Paritaetische Wohlfahrtsverband xeyriyyə təşkilatının prezidenti Ulrich Schneider tərəfindən açıqlanan "Yoxsulluq Hesabatı"nda 2021-ci ildə əhalinin 16,6 faizi yoxsulluq içində yaşadığı halda, 2022-ci ildə bu nisbətin 16,8 faizə yüksəldiyi bildirilib.

Almaniyada yoxsulluğun “yüksək səviyyədə” qalmağa davam etdiyi vurğulanan hesabatda, təxminən 84,4 milyon əhalisi olan ölkədə yoxsulların sayının 2021-ci ilə nisbətən təxminən 100 min nəfər artaraq 2022-ci ildə 14,2 milyona çatdığı bildirilib.

Hesabatda yoxsulluq səviyyəsinin 2006-cı ildən bəri davamlı olaraq artdığı ifadə edilərək, "Bu zəngin ölkədə 14,2 milyon insan yoxsul sayılır. 2022-ci ildə 2019-cu ildə pandemiya, enerji və qiymət böhranından əvvəlkindən təxminən bir milyon daha çox insan olacaq. 2,7 milyon daha çox insan yoxsulluqdan təsirlənir".

Hesabatda uşaq və gənclər arasında yoxsulluq nisbətinin 21,8% ilə rekord həddə çatdığı, uşaqlarını tək böyüdənlər arasında isə bu nisbətin 43,2% olduğu təsbit edildi.

Günel Məlikzadə
Fins.az