ABŞ-ın Kaliforniya ştatında keçirilən CEO sammitində çıxış edən Çin sədri Si Cinpin xarici investorların ölkəsinə sərmayə qoymasını asanlaşdıracağına söz verib.

Fins.az Bloomberg-ə istinadən xəbər verir ki, Çin lideri vəd edib ki, ölkəsi “dünya səviyyəli biznes mühiti” yaradacaq və beynəlxalq sərmayəçilərin hüquqlarını qorumaq üçün mexanizmlər hazırlayacaq.

"Biz həmçinin əcnəbi vətəndaşların Çinə girişi və qalması ilə bağlı siyasəti təkmilləşdirmək kimi daha çox ürəkaçan  tədbirlər görəcəyik " Si dedi. O, maliyyə, tibbi və ödəniş sistemi xidmətlərinə çıxışın asanlaşacağını bildirib.

“Bütün bunlar xarici şirkətlərin Çinə sərmayə qoymasını və fəaliyyətini asanlaşdırmaq üçün nəzərdə tutulub”, - deyə Si bildirib. Ağ Ev rəsmisi Pekinin fentanil ticarətinə qarşı planlaşdırdığı repressiyaya cavab olaraq Birləşmiş Ştatlar insan haqlarının pozulmasında ittiham olunan Çin qurumunu ticarət qara siyahısından çıxaracaq.

ABŞ prezidenti Co Bayden də bildirib ki, dünya ABŞ və Çindən rəqabəti daha yaxşı idarə edəcəklərini gözləyir. İki ölkə narkotiklərlə mübarizə, yüksək səviyyəli hərbi danışıqların yenidən başlaması, süni intellektlə bağlı dialoqun artırılması, qarşılıqlı birbaşa uçuşların artırılması kimi məsələlərdə əməkdaşlıq etmək qərarına gəlib. 

Günel Məlikzadə
Fins.az