Bloomberg saytının insayderi Mark Gurman-ın sözlərinə əsasən Apple şirk'ti iPhone seriyasının flaqman modellərinin qiymətlərini qaldırmağı nəzərdən keçirdir. İnsayder qeyd edib ki, bunun üçün şirkət iPhone Ultra modelini satışa çıxardacaq və o, hal hazırda aktual olan iPhone 14 Pro Max-dan qat-qat baha qiymətə satılacaq. Gurman-ın fikrincə bu, gələn ilki iPhone 16 seriyasında baş tutacaq. Məlumatda qeyd edilib ki, daha baha qiymətə satılacaq iPhone-nun satışa çıxarılması öz növbəsində digər iPhone modellərinin ortalama qiymətlərini yüksəltməyə imkan verəcək. Bu cür strategiya isə Apple şirkətinin maraqları ilə üst-üstə düşür. Gurman həmçinin bir neçə müddət bundan öncə Apple şirkətinin növbəti maliyyə hesabatı çərçivəsində Tim Cook-un sözlərinə istinad edib.

    Belə ki, şirkətin son maliyyə hesabatı çərçivəsində Tim Cook bildirmişdi ki, alıcılar ən yaxşı smartfonu almaq üçün daha çox vəsait ödəməyə hazırdılar. 2017-ci ildə şirkət iPhone X modelini 999$-a satışa çıxartmaqla hər il flaqman iPhone modellərinin qiymətlərini yüksəldir. Hal hazırda aktual olan iPhone 14 Pro Max-ın ən maksimal komplektasiyada olan versiyası 1599$-a satılır. Şirkətin maliyyə hesabatı onu göstərir ki, alıcılar iPhone 14 Pro və iPhone 14 Pro Max-ı almaq üçün külli miqdarda vəsait xərcləməyə hazırdırlar. Belə ki, sözügedən iPhone 14 modelləri alıcılar arasında çox məşhurdurlar.