İlon Mask “Twitter” monetizasiyası üçün yol axtarmağa davam edir.
“Twitter” yeni funksiya işə salmağa hazırlaşır. Belə ki, istifadəçilər artıq yerləşdirdikləri videoya baxmağa görə ödəniş istəyə biləcəklər. “Paywalled Video” adlanan funksiyada istifadəçilər baxış üçün 1, 2, 5 və 10 dollar məbləğ təyin edə biləcəklər. Müəllifin “Stripe” elektron ödəniş sistemi vasitəsilə pul alacağı, məbləğin bir hissəsinin “Twitter”ə keçəcəyi bildirilir. Xidmətin komissiya haqqının nə qədər olacağı hələ bəlli deyil.
Mənbənin məlumatına görə, “Twitter” əməkdaşları potensial müəllif hüquqları problemlərindən narahatdırlar. Bundan başqa hansı videoların pulla yayımlana biləcəyi və onların necə moderasiya olunacağını heç kim dəqiq bilmir.
Ola bilər ki, “Paywalled Video” 2016-cı ildə bağlanan “Twitter Vine”nın bir hissəsi olacaq.