“Fins.az” xarici KİV-ə istinadən xəbər verir ki, bu haqda Aİ-nin Xarici Əlaqələr və Təhlükəsizlik Siyasəti üzrə Ali Nümayəndəsi Cozep Borrell açıqlama verib.

 

O, Aİ adından verdiyi açıqlamada Qara Dəniz Taxıl Təşəbbüsü razılaşması sayəsində Ukraynadan dünya bazarlarına 9,5 milyon ton taxıl və ərzaq çatdırıldığını bildirib.

Rusiyanı ərzaq və aclıqdan silah kimi istifadə etməkdə günahlandıran Borrell, “Aİ Rusiyanın Qara Dəniz Taxıl Təşəbbüsünü dayandırmasını pisləyir və Rusiyanı qərarından dönməyə və bu təşəbbüsün həyata keçirilməsini təcili şəkildə bərpa etməyə çağırır”, - deyib.

Dövlət adından yaradılan publik hüquqi şəxslərə

Borrell qeyd edib ki, onlar BMT-nin Baş katibi Antonio Quterreşin taxıl dəhlizi sazişinin uzadılması ilə bağlı çağırışını dəstəkləyirlər.

Qeyd edək ki, qlobal ərzaq böhranının həlli üçün Türkiyənin koordinasiyası ilə həyata keçirilən taxıl daşınması sazişi iyulun 22-də İstanbulda Türkiyə Prezidenti Rəcəb Tayyib Ərdoğanın himayəsi altında Ukrayna, Rusiya, Türkiyə və BMT arasında imzalanıb.