Shell, yanacaq qiymətlərindəki artım səbəbiylə iki rüb ardıcıl olaraq rekord qazanc əldə etdiyini açıqladı. Şirkət həmçinin 6 milyard dollarlıq səhmləri geri alacağını açıqlayıb.
"Fins.az" xəbər verir ki, Shell-in ikinci rübdə xalis mənfəəti enerji qiymətlərindəki artımla birlikdə 11,47 milyard dollara yüksəldi. Birinci rübdə bu rəqəm 9,13 milyard dollar olub.

Bloomberg-in sorğusuna qatılan iqtisadçıların orta gözləntiləri 11,2 milyard dollar olub.

Shell də gəlirlilik rəqəmlərinin açıqlanmasından sonra səhmlərin geri alınmasını sürətləndirdi. İlin birinci yarısında 8,5 milyard dollarlıq səhmləri geri alan şirkət üçüncü rübdə 6 milyard dolları geri alacaq.

Baş icraçı direktor Ben van Beurdensaid deyib ki, “Enerji bazarında dəyişkənliyin və iqlim dəyişikliyinin tədbir tələb etdiyi bir mühitdə 2022-ci il istehlakçılar, hökumətlər və şirkətlər üçün çətin olmağa davam edir. Biz maliyyə gücümüzü dünyanın bu gün ehtiyac duyduğu enerji təhlükəsizliyinə sərmayə qoymaq üçün istifadə edirik”.

Müəllif: Aynur Qəniyeva