DÜNYA

13 May

Türkiyənin kimyəvi maddə ixracı dörd ay ərzində artıb

2022-ci ilin yanvar-aprel aylarında Türkiyənin kimyəvi maddə ixracı ötən ilin eyni dövrü ilə müqayisədə 44,7 faiz artaraq 10,8 milyard dollara bərabər olub.

Bu barədə Türkiyə Ticarət Nazirliyindən bildiriblər.

“Bu ilin aprel ayında Türkiyə 3,3 milyard dollar məbləğində kimyəvi maddə ixrac edib ki, bu da keçən ilin aprel ayı ilə müqayisədə 53 faiz çoxdur” – deyə nazirlikdən bildirilib.

Qeyd olunub ki , son 12 ay ərzində (aprel 2021-aprel 2022) Türkiyə 28,6 milyard dollar məbləğində kimyəvi maddə ixrac edib.