Rusiya Avstraliya və Yeni Zelandiyanın baş nazirləri Skott Morrison və Casinda Ardernə sanksiya tətbiq edib.

Fins.az xəbər verir ki, bu barədə Rusiya Xarici İşlər Nazirliyinin saytında məlumat verilib.

Qeyd olunur ki, bu addım Rusiyanı cilovlamağa yönəlmiş istənilən hərəkəti dəstəkləməyə hazır olan Avstraliyanın və Yeni Zelandiyanın hazırkı hökumətinin qeyri-dost hərəkətlərinə cavab olaraq atılıb. Baş nazirlərlə yanaşı, Avstraliyanın 228, Yeni Zelandiyanın 130 vətəndaşını sanksiya siyahısına daxil edilib. 

Siyahıya daxil edilmiş bütün şəxslər üçün Rusiya Federasiyasına giriş qadağan olunub.