Rusiya prezidenti Vladimir Putin qanunu imzalayıb kapital amnistiyasının dördüncü mərhələsini nəzərdə tutur.

"Fins.az" xəbər verir ki, sənəd hüquqi informasiyanın rəsmi portalında dərc olunub.

Məlumata görə,Rusiya hökumətinin bu təşəbbüsü sanksiyalar altında olan vətəndaşlara və biznesə dəstək tədbirlərinin bir hissəsidir.Qanun Dövlət Duması tərəfindən qəbul edilib və martın 4-də Federasiya Şurası tərəfindən təsdiqlənib.

Söhbət əmlakın və bank hesablarının könüllü bəyan edilməsindən, fiziki şəxslərin kapitalının və əmlakının təhlükəsizliyinə hüquqi təminatların verilməsindən, habelə onların əmlak maraqlarının qorunmasından gedir. Kapital amnistiyasının əvvəlki mərhələsində artıq tətbiq edilmiş parametrlərə əlavə olaraq, Rusiya vətəndaşları da bank hesablarına yerləşdirilməli olan nağd pul vəsaitlərini (rubl və xarici valyutada) bəyan etmək imkanına malikdirlər. Bundan əlavə, ümumilikdə bütün maliyyə aktivləri amnistiyaya məruz qalır.