ABŞ Prezidenti Co Bayden (Joe Biden) 2022-ci maliyyə ili üzrə 6 trilyon dollarlıq büdcə təklifini təqdim edib.

Fins.az xəbər verir ki, təklif infrastruktur, səhiyyə və təhsil kimi xərclərin artırılmasını nəzərdə tutur.

Marja xəbər verir ki, Ağ Ev, 1 Oktyabrda başlayacaq 2022-ci maliyyə ili üzrə hökumət xərclərini ehtiva edən büdcə təklifini ABŞ Konqresinə təqdim edib. Büdcədə, 2022-ci maliyyə ilində 4,17 trilyon dollarlıq gəlir təmin edilməsi hədəflənir, 6 trilyon dollarlıq xərclənməsi planlaşdırılır.

Baydenin keçən aylarda təqdim etdiyi, infrastruktur paketi olaraq da adlandırılan 2,3 trilyon dollarlıq Amerikan Məşğulluq Planı ilə 1,8 trilyon dollarlıq Amerikan Ailələr Planı da büdcədə yer alır.

Əhatəli büdcə təklifi, aprel ayında açıqlanan1,52 trilyon dollarlıq istəyə bağlı büdcə planını da əhatə edir.

BÜDCƏ KƏSİRİNİN 1,8 TRİLYON DOLLAR OLMASI GÖLƏNİLİR

Yeni növ koronavirus (Kovid-19) epidemiyasının təsirilə son 2 ildə artan hökumətin büdcə kəsirinin 2022-ci maliyyə ilində 1,8 trilyon dollara geriləməsi təxmin edilir.

ABŞ-da federal hökumətin, epidemiyaya qarşı çəkilən xərclər səbəbilə 2020-ci maliyyə ilində 3,1 trilyon dollar kəsiri olub. Büdcə kəsirinin 2021-ci maliyyə ilində 3,7 trilyon dollar olacağı nəzərdə tutulmuşdur.

Bayden hökumətinin büdcə təklifində, sərmayələr ilə bərabər vergi tənzimləmələri də yer alır. Belə ki, mənfəət vergisi dərəcəsinin 21%-dən 28%-ə yüksəldilməsi planlaşdırılır.

MÜXALİFƏT İLƏ QARŞI-QARŞIYA

İqtisadi təxminlərin də yer aldığı büdcə təklifində, ABŞ iqtisadiyyatının 2021-ci ildə 5,2%, 2022-ci ildə 4,3% və 2023-cü ildə isə 2,2% artacağı nəzərdə tutulur.

Ölkədə İstehlakçı Qiymətləri İndeksinin (inflyasiya) isə 2021 və 2022-də illik 2,1%, 2023-cü ildə 2,2% təşkil edəcəyi təxmin edilir.

Büdcə təklifinin federal xərcləri 2-ci Dünya müharibəsindən bu yana qeydə alınan ən yüksək səviyyə olacaq. Respublikaçılar Baydenin xərclərin və verginin artırılması planına borc yükünü və inflyasiyasnı artıracağı səbəbilə qarşı çıxır.

Baydenin büdcə təklifinin Konqresdə aylar davam edəcək çətin müzakirələri olacağı gözlənilir.