ABŞ-ın Miçiqan ştatında "Mega Millions" lotereyasının 1 mlrd. dollarlıq uduşlu bileti satılıb. Bu barədə "Mega Millions"un veb-saytında deyilir.
"1 milyard dollarlıq nominal cekpot (739,6 mln. dollar nağd) Miçiqanda şanslı bilet sahibinə çatacaq", - məlumatda deyilir.
Təşkilatçılar bu mükafatın lotereya tarixində ikinci ən böyük mükafat olduğunu qeyd edir. Belə ki, 2018-ci ildə Cənubi Karolina ştatında 1,5 mlrd. dollar qazanan bilet satılmışdı. Miçiqan sakininin qazancı isə ABŞ tarixindəki üçüncü ən böyük lotereya mükafatıdır.