Dünyanın aparıcı onlayn pərakəndə satış şirkətlərindən biri olan Amazon, 1205 çatdırılma sürücüsünü ixtisar etmək məcburiyyətində qalan yeddi firma ilə müqavilələrə xitam verdi. Fins.az "TASS"-a istinadən xəbər verir ki, bu barədə cümə axşamı CNBC telekanalı bu firmalardan alınan məlumatlara istinadən məlumat verib.

Amazon, 2018-ci ildə, çatdırılma xidmətinin sürətli böyüməsinə və FedEx və UPS kimi poçt şirkətləri ilə uğurla rəqabət aparmağa imkan verən bir proqram həyata keçirdi. Müqavilələr bu proqram çərçivəsində verilib.Amazon-a kömək edən firmalar Pensilvaniya, Viskonsin, Massaçusetts, Konnektikut, Nyu-York, Nyu-Cersi və Merilenddə yerləşir.

Korporasiya bu ilin ikinci rübündə 88,9 milyard dollar gəlir əldə edib. Göstərici 2019-cu ilin ikinci rübünün nəticələrinə (63,4 milyard dollar) nisbətən 40% artıb. Qazanc 5.2 milyard dollar və ya hər səhm üçün 10.30 dollara çatıb.Ötən ilin ikinci rübündə Amazon-un qazancı 2,6 milyard dollar və ya hər hissəyə 5,22 dollar olub.

Müəllif:Aynur Qəniyeva