Amerikanın Alphabet Inc. şirkətinin sahibi olduğu Google, təhlükəsizlik sistemləri istehsalçısı ADT Inc-də 450 mln dollarlıq yəni 6.6% pay alır.
ADT-dən verilən bir press-relizə görə, Google, B sinfinin səhmlərini alacaq və direktorların seçilməsi, təyin edilməsi və vəzifədən alınması ilə bağlı səs vermək hüququ istisna olmaqla, adi səhmdarlarla eyni hüquqlara sahib olacaq.
Şirkətlər, Google-ın Nest markalı məhsulları və ADT təhlükəsizlik sistemləri əsasında ağıllı ev texnologiyalarını birlikdə inkişaf etdirmək niyyətindədirlər.
ADT, bu il bəzi Google cihazlarını müştərilərinə təqdim etməyə başlamağı və 2021-ci ildə inteqrasiyanı genişləndirməyə davam edəcəyini gözləyir.
Razılaşmanın bağlanması bu ilin üçüncü rübündə planlaşdırılıb.
Bazar ertəsi günü ADT 57.1% qazanıb ,Alphabet 0.9% itirib.
Müəllif:Aynur Qəniyeva