Forbes-in məlumatına görə, aprel ayından indiyəqədərki müddətdə Süleyman Kərimovun var-dövləti, demək olar ki, iki dəfə artıb - 8,8 milyard dollara çatıb

Fins.az-ın məlumatına görə, "Forbes" xəbər verir ki, koronavirus pandemiyası zamanı Süleyman Kərimov öz sərvətini bütün rus milyarderlərindən daha çox artırıb. Real vaxtda yenilənən reytinqdə jurnalın mütəxəssisləri Kərimovun var-dövlətini 18,8 milyard dollar dəyərində qiymətləndirirlər ki, bu da 2020-ci ilin yazında olan göstəricilərdən iki dəfə çoxdur.

Forbes-in aprel ayının əvvəlində dərc olunan milyarderlərinin illik reytinqində 10 milyard dollar kapitalı olan Kərimov ruslar arasında 13-cü, dünyanın ən varlı iş adamları arasında 135-ci yerdədir. Beləliklə, üç ayda onun sərvəti 8.8 milyard dollar artdı və bu, onun ən varlı ruslar siyahısında 7-ci yerə yüksəlməsinə imkan verib. Forbes-in məlumatına görə, Kərimov 12 il ərzində ilk dəfə rus zənginlərinin ilk 10-luğuna girdi - 2008-ci ildə 8-ci yerdə idi.

Forbes reytinqinin dərc edildiyi aprel ayından bəri Kərimovun sərvəti digər Rus milyarderlərindən daha çox artıb. Məsələn, Vladimir Potanin kapitalını "cəmi" 2,5 milyard dollar, Vladimir Lisin isə 3,3 milyard dollar artırdı.Milliarderlərin Forbes siyahısındakı Rusiya liderlərinin sərvətləri aşağıdakı kimi dəyişib

Leonid Mikhelson - + 5,2 milyard dollar;
Gennadi Timchenko - + 4,8 milyard dollar;
Vaqit Ələkbərov - + 4,3 milyard dollar;
Aleksey Mordashov - + 2,3 milyard dollar;
Andrey Melniçenko - + 2,1 milyard dollar;
Əlişir Usmanov - + 2 milyard dollar;
Mixail Fridman - + 1,7 milyard dollar;
Viktor Vekselberg - + 1 milyard dollar
Roman Abramoviç - + 0,8 milyard dollar;
Mixail Proxorov - + 0,2 milyard dollar
Kərimovun sərvətinin kəskin artmasının səbəbi paytaxtda Kərimovlar ailəsinin 78,6% nəzarət etdiyi "Polyus" qızıl mədən şirkəti səhmlərinin kotirovkasının artması ilə əlaqədardır.

Müəllif:Aynur Qəniyeva