Rusiyanın COVID-19 virusuna yoluxmuş Baş naziri Mixail Mişustin müalicə aldığı xəstəxanadan evə buraxılıb və vəzifəsinin icrasına başlayıb.

TASS xəbər verir ki, bu barədə hökumət başçısının mətbuat katibi Boris Belyakov məlumat verib.

B.Belyakov əlavə edib ki, M.Mişustin yaxın dəqiqələrdə Rusiya Prezidenti Vladimir Putinlə müşavirədə iştirak edəcək.

Xatırladaq ki, Rusiyada bir neçə yüksək vəzifəli məmur, o cümlədən, Vladimir Putinin mətbuat katibi Dmitri Peskov koronavirusa yoluxub.